Market Closed

ग्लोबल आइएमई बैंकको नाफा २ अर्ब माथि हुँदा अधिकांश सूचक तगडा

28 Jan,2021
  • Global-IME-bank-Ltd_6_20_2018_2_21_55_1_28_2021_7_10_58.jpg
नेपाली पैसा 

काठमाडौं : चालु आर्थिक वर्षको दोस्रो त्रैमाससम्म आइपुग्दा ग्लोबल आइएमई बैंकको अधिकांश सूचकमा आकर्षक वृद्धि भएको छ । यसअवधिमा बैंकको खुद नाफा ३७.३२% ले बढेर २ अर्ब ३१ करोड ५१ लाख  रुपैयाँ पुगेको छ । गत वर्ष बैंकले यसैअवधिमा १ अर्ब ६८ करोड ५९ लाख रुपैयाँ मात्रै नाफा कमाएको थियो । यसअवधिमा बैंकको खुद ब्याज आम्दानी ३४.४६% र सञ्चालन नाफा ३६.६६% ले बढेको छ । 
 
यसले पनि नाफा बढ्न सहयोग पुर्याएको देखिन्छ । यस्तै, पुस मसान्तसम्म आइपुग्दा बैंकको वितरणयोग्य नाफा पनि १८.४९% ले बढेको छ । बैंकले एक वर्षको अवधिमा निक्षेप संकलन १८.७५% र कर्जा लगानी ६.९६% बढाउन सफल भएको छ । 
 
पुस मसान्तसम्म आइपुग्दा बैंकको प्रतिसेयर आम्दानी १ रुपैयाँ १३ पैसाले घटेर २१ रुपैयाँ ४० पैसामा सीमित भएको छ । यस्तै, प्रतिसेयर नेटवर्थ पनि २ रुपैयाँ ६ पैसाले घटेर १४२ रुपैयाँ ६३ पैसामा झरेको छ । यो त्रैमाससम्म आइपुग्दा बैंकको खराब कर्जा १.२०% बाट बढेर १.७२% भएको छ । 

Post Your Comment