गत आर्थिक वर्षमा नेपालले ३ खर्ब ३४ अर्ब ३४ करोड रुपैयाँ भन्दा बढीको पेट्रोलियम पदार्थ आयात गरेको छ । नेपाल राष्ट्र बैंकले सार्वजनिक गरेको गत आर्थिक वर्षको तथ्यांक अनुसार अघिल्लो आर्थिक वर्षको तुलनामा पेट्रोलियम पदार्थको आयात खर्च करिब दोब्बर बढेको देखिन्छ । अघिल्लो आर्थिक वर्षमा १ खर्ब ७५ अर्ब रुपैयाँ ७१ करोड रुपैयाँ भन्दा बढीको पेट्रोलियम पदार्थ आयात भएको थियो । जसको तुलनामा गत वर्ष ९०.४% ले वृद्धि भएको देखिन्छ ।

नेप्सेमा सूचीकृत सबै निर्जीवन बिमा कम्पनीहरुले गत आर्थिक वर्षको चौथो त्रैमाससम्मको वित्तीय विवरण सार्वजनिक गरेका छन् । विवरण अनुसार निर्जीवन बिमा कम्पनीहरुको समग्र नाफा ७‍.३२% ले वृद्धि भएको छ । एक वर्षको अवधिमा निर्जीवन बिमा कम्पनीहरु कुल ४ अर्ब ५५ करोड ९८ लाख रुपैयाँ खुद नाफा आर्जन गर्न सफल भएका छन् । अघिल्लो आर्थिक वर्ष खुद नाफा ४ अर्ब २४ करोड ८७ लाख रुपैयाँ रहेको थियो । बिमा कम्पनीहरुको खुद बिमा शुल्क पनि वृद्धि भएको छ । कम्पनीहरुले यस अवधिसम्म १२ अर्ब ७६ करोड ८७ लाख रुपैयाँ खुद बिमा शुल्क संकलन गरेका छन् । १७ कम्पनीहरुको जगेडा कोष ५.३८% ले वृद्धि भएर ८ अर्ब ५५ करोड ९९ लाख रुपैयाँ पुगेको छ । अघिल्लो वर्ष रिजर्भमा कुल ८ अर्ब १२ करोड ३० लाख रुपैयाँ जम्मा भएको थियो । त्यस्तै, असार मसान्तसम्ममा बिमा कोषमा १५ अर्ब ८७ करोड ९४ लाख रुपैयाँ जम्मा भएको छ ।