Market Closed

लुम्बिनी जनरलले लाभांश पारित गर्न असार २९ मा डाक्यो एजीएम, बुक क्लोज कहिले ?

22 Jun,2022
  • lumbini-general_5_13_2018_1_00_29_2_26_2020_10_04_39_5_17_2021_12_04_05_6_22_2022_5_03_58.jpg
नेपाली पैसा 

काठमाडौं  : लुम्बिनी जनरल इन्सुरेन्सले असार २९ गते साधारण सभा बोलाएको छ । सभा अमृतभोग क्याटरिङ कालिकास्थान, काठमाडौंमा बिहान ११ बजे सुरु हुनेछ । सभामा १०% लाभांश वितरण गर्ने प्रस्ताव पेश हुनेछ । कम्पनीले आर्थिक वर्ष २०७७–७८ को नाफाबाट ९.५०% बोनस सेयर र कर प्रयोजनको लागि ०.५०% नगद लाभांश वितरण गर्ने प्रस्ताव पेश गर्दैछ । यस्तै, कम्पनीले मर्जर तथा प्राप्ति सम्बन्धी प्रस्ताव पनि पेश गर्दैछ । 
 
सभाले आगामी दिनमा मर्जर तथा प्राप्ति प्रकृयामा जाने भएमा सो को जिम्मेवारी सञ्चालक समितिलाई दिने निर्णय समेत गर्नेछ । सभामा प्रबन्धपत्र र नियमावलीमा संशोधन गर्ने एजेन्डा पनि छ । आर्थिक वर्ष २०७७–७८ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७८–७९ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ । 
 
कम्पनीको अधिकृत पुँजी १ अर्ब २५ करोड रुपैयाँबाट बढाएर ३ अर्ब पुर्याउने एजेन्डा पनि छ । सभा प्रयोजनका लागि लुम्बिनी जनरलले असार १५ गते बुक क्लोज गर्ने भएको छ । जसअनुसार असार १४ गतेसम्म कायम सेयरधनीले मात्र सभामा भाग लिन सक्नेछन् ।
 

Post Your Comment