नेपाली पैसा
काठमाडौं : उपप्रधान तथा गृहमन्त्री रवि लामिछानेको नागरिकता विवादसम्बन्धी परेको रिटमा सुनुवाइ सकिएको छ । बुधबारदेखि अन्तिम सुनुवाइ सुरु भएकोमा शुक्रबार बहस सकिएको हो । लामिछानेको नागरिकता विवादसम्बन्धी परेको रिटमा कामु प्रधानन्यायाधीश हरिकृष्ण कार्कीसहित न्यायाधीशहरु ईश्वरप्रसाद खतिवडा, डा. आनन्दमोहन भट्टराई, अनिलकुमार सिन्हा र विश्वम्भरप्रसाद श्रेष्ठ सम्मिलित संवैधानिक इजलासमा सुनुवाई भएको हो । सुनुवाइपछि अहिले न्यायाधीशहरु फैसलाबारे छलफल गरिरहेका छन् ।
लामिछानेविरुद्ध मंसिर २८ गते प्रतिनिधि सभाका सदस्यको रुपमा शपथ नगराउन परेको थियो । तर पुस ६ गतेको संवैधानिक इजलासले लामिछानेको नागरिकता र पासपोर्ट विवादबारेको मुद्दामा अन्तरिम आदेश नदिएपछि शपथ लिने बाटो खुलेको थियो ।