Market Closed

हिमालयन र नेपाल इन्भेष्टमेन्ट बैंकबीचको मर्जर प्रकृया भाँडियो

14 Jan,2022
  • 01_1_14_2022_2_51_22.jpg
नेपाली पैसा
 
काठमाडौं : हिमालयन बैंक र नेपाल इन्भेष्टमेन्ट बैंकबीचको मर्जर प्रकृया अन्तिम समयमा आएर भाँडिएको छ । आज (पुस ३० गते) हिमालयन बैंकको साधारण सभामा १४% सेयर हिस्सा रहेको सरकारी संस्था कर्मचारी सञ्चय कोषले नेपाल इन्भेष्टमेन्ट बैकसँग मर्जरमा जाने विपक्षमा भोट दिएपछि एकाएक मर्जर प्रकृया भाँडिएको हो । सभाले इन्भेष्टमेन्टसँगको मर्जर प्रस्ताव अस्वीकृत गरेसँगै मर्जर असफल भएको हो ।
 
दुई बैंकबीच मर्जर गर्ने भन्दै हिमालयनले सभामा मर्जरका लागि विशेष प्रस्ताव पेश गरेको थियो । मर्जरको लागि विशेष प्रस्ताव स्वीकृत हुनका लागि कम्तिमा ७५% सेयरधनीले उक्त प्रस्ताव स्वीकृत गर्नुपर्ने कानुनी प्राबधान रहेको छ । हिमालयन र नेपाल इन्भेष्टमेन्ट बैंकले गत वैशाखमा मर्जरमा जाने सहमति गरेका थिए ।

दुवै बैंक १ः१ को अनुपातमा मर्ज हुने सहमति भएको थियो । मर्ज प्रकृया भाँडिएसँगै अब दुवै बैंकले नयाँ पार्टनर खोज्नुपर्ने भएको छ । मर्ज प्रकृयामा सहमति भएसँगै दुवै बैंकको वैशाख ३१ गतेदेखि सेयर कारोबार रोक्का छ ।

Post Your Comment