नेपाली पैसा
काठमाडौं : नेपाल टेलिकमले नयाँ अफर ‘सजिलो अनलिमिटेड भ्वाइस एण्ड डाटा पोस्टपेड–६३६’ प्याकेज ल्याएको छ । टेलिकमले आज (चैत ३ गते) देखि लागू हुने गरी पोस्टपेड मोबाइल प्रयोगकर्ताका लागि यो अफर ल्याएको हो । टेलिकमका अनुसार ६३६ रुपैयाँमा उपलब्ध हुने सो अफर लिएपछि ३० दिनसम्म कम्पनीकै नेटवर्क भित्र अनलिमिटेड कल गर्न सकिनेछ । यस्तै, प्रयोगकर्ताले अन्य नेटवर्कमा १०० मिनेट कल गर्न सक्नेछन् ।
यस अफरमा अन नेट १५० वटा एसएमएस पठाउन सकिने सुविधा समेत उपलब्ध रहेको छ । त्यसैगरी, प्रत्येक दिन ३०० एमबी डाटा प्रयोग गर्न सकिने छ र सो ३०० एमबी डाटा सकिएमा प्रत्येक दिन ६४ केबीपीएस गतिको इन्टरनेट प्रयोग गर्न सकिने सुविधा रहेको टेलिकमले जनाएको छ ।