Market Closed

नबिल बैंकले ल्यायो फोनबाटै लोन लिन सकिने योजना

22 Sep,2020
  • Ad_Design_Nabil_Fone_Loan_9_22_2020_9_12_09.jpg
नेपाली पैसा
 
काठमाडौं : नबिल बैंकले नेपालमै पहिलो पटक फोनबाट ऋण लिन सक्ने योजना ल्याएको छ । यो सुविधा अन्तर्गत बैंकमा खाता भएका ग्राहकहरुले आवश्यकता अनुसार १ लाख रुपैयाँसम्म ऋण मोबाइलबाटै लिन पाउनेछन् । एफवन सफ्ट इन्टरनेसनलसँगको सहकार्यमा बैंकले यो सुविधा सुरु गरेको हो । नबिल स्मार्ट बैंकिङ अन्तर्गत निवेदन दिएको केही मिनेटमै ग्राहकको ‘भर्चुअल क्रेडिट कार्ड’ मार्फत् खातामा ऋण उपलब्ध हुनेछ । यो सुविधा लिन नबिलको स्मार्ट बैंक प्रयोगकर्ता हुनुपर्नेछ ।

यस प्रकारको ऋण छोटो अवधिका लागि मात्र उपलब्ध हुने बैंकले जानकारी दिएको छ । ग्राहकले कुनै पनि कागजी प्रक्रिया बिना नै नबिल बैंकको स्मार्ट बैंक एपको प्रयोग गरी ऋणका लागि निवेदन दिन सक्नेछन् । बैंकले सम्पूर्ण प्रक्रिया पूरा गरी तुरुन्त ऋण प्रवाह गर्ने जनाएको छ । नबिल बैंकका प्रमुख कार्यकारी अधिृकत अनिलकेशरी शाहले अनुसार बिनाधितो, बिना कागजी प्रक्रिया तुरुन्त ऋण प्राप्त गर्न सकिने भएकाले यो योजना लोकप्रिय हुने अपेक्षा गरिएको बताए । 
 

Post Your Comment